Addmega

«مِن أجلِ ذلك كلُّ كاتب متعلّم في ملكوت السماوات يُشبِه رجلا ربَّ بيتٍ يُخرِجُ مِن كنزه جُددًا وعُتَقاء». متى 52:13

الهدف: يسوع عنده شبع ماء الحياة

العمر: 14 سنة وما فوق

الوقت: 5 دقائق

الحاجيات:

ثياب إمرأة مثل الصورة المرفقة

جرّة من الفخّار

المقطع الكتابي: يوحنا 4: 1 - 42

توجيهات: هذه القصيدة هي بالعامية اللبنانية، فهناك بعض الكلمات نختصرها باللفظ حتى نحافظ على الوزن.

مثلاً: 'قال لها' تصبح 'قلا' و'مائي' (أي الماء) تصبح 'ميتي'... و'هالمالو ثاني' تعني الذي ليس له ثاني'

تنويه (تأليف): سالم التنوري (96170980577+ يوئيل طربيه)

السامريّة على البير راحت تتملّي الجرّة

كان في عندا خمس زواج وبَدْها تعاود الكرّة

يا سلام شو الطقس منيح مع إنو الشمس حرّة
رح عجّل رجليّ شويّ بلكي بتظبط هالمرة

وصلت صاحبتنا ع البير وشافت شخص الهيأة فقير

برمت وجّا تا تعبّي وانشغل عقلا بالتفكير

ناداها يسوع وقالا خدي مليلي كيل زغير
قالتلو معي ليش عم تحكي وبيني وبينك فرق كبير

وقفت وحملت جرّتها وصوب البيت بدّا تعدّي

قلا نسيتي شو حكيتي استني واسمعي ردّي

لوكنتِ عرفتِ اللى قبالك ماكنتِ بديتِ التحدّي
ميتي العطشان بتروي وما بيلاقيها غير عندي

ساعتها المرأة اندهشت وسكبت دمعا بندامة

ومن يسوع اقتربت وخلعت ثوب الخيانة

عطاها الفرح والرجا وقلا روحي بسلامة
خبّري العالم كلّو وأوعى تكوني جبانة

ركضت تحكي وتبشّر بخلاص يسوع المجاني

وإنتَ قلّلو ارحمني بكل ثقة وأمانِه

رح يسامحك ويعطيك محبة وحياة بثواني
وآمنِت كل المعازيم بيسوع هالمالو ثاني

ملاحظة

مرفق ملف للقصيدة

كل المواد التي نقدّمها لك هي مواد جرّبناها ونجحت معنا.

ننصحك بأخذ وقتك بالبحث في المواد عما يناسك وقراءة التعليمات جيّدًا

للمساعدة، تواصلوا معنا... وفريقنا مستعد لخدمتكم.